Breaking News
Home / News / ایک اور بھارتی سپراسٹار نے آرٹیکل 370 کی منسوخی کو خلافِ جمہوریت قرار دے دیا

ایک اور بھارتی سپراسٹار نے آرٹیکل 370 کی منسوخی کو خلافِ جمہوریت قرار دے دیا

وجے سیتھوپاتھی کو ان خیالات پر تعریف کے ساتھ ساتھ تنقید کا سامنا بھی ہے۔ (فوٹو: انٹرنیٹ)

وجے سیتھوپاتھی کو ان خیالات پر تعریف کے ساتھ ساتھ تنقید کا سامنا بھی ہے۔ (فوٹو: انٹرنیٹ)

ممبئی: کمل ہاسن، سنجے سوری، دیا مرزا اور زائرہ وسیم کے بعد اب تامل فلموں کے مشہور سپر اسٹار وجے سیتھوپاتھی نے بھی کشمیر کے بارے میں بھارتی آئین کے آرٹیکل 370 کی منسوخی کو خلافِ جمہوریت قرار دے دیا ہے جس پر انہیں تعریف کے ساتھ ساتھ تنقید کا سامنا بھی کرنا پڑ رہا ہے۔

وجے سیتھوپاتھی نے کچھ روز پہلے آسٹریلیا کے ایک تامل چینل ’’ایس بی ایس تامل آسٹریلیا‘‘ کو انٹرویو دیتے ہوئے کہا تھا آرٹیکل 370 کی منسوخی، جمہوریت کے خلاف ہے۔ ’’کیا میں کسی اور کے معاملات میں مداخلت کرسکتا ہوں؟ کسی کے بارے میں یہ اظہار تو کیا جاسکتا ہے ہمیں اس کی پروا ہے لیکن ہم کسی پر اپنے فیصلے ٹھونس نہیں سکتے۔ اس حرکت نے مجھے افسردہ کردیا ہے،‘‘ تامل سپر اسٹار نے کہا۔

اس خبر کو بھی پڑھیں: بالی ووڈ ستارے بھی کشمیریوں کے حق میں بول پڑے

واضح رہے کہ وجے سیتھوپاتھی کو گزشتہ دنوں ملبورن، آسٹریلیا میں منعقدہ انڈین فلم فیسٹیول میں ’’سپر ڈیلکس‘‘ نامی تامل فلم میں خواجہ سرا کا کردار نباہنے پر بہترین اداکار کا ایوارڈ دیا گیا ہے جبکہ شاہ رُخ خان نے بھی انہیں اپنے فلم کیریئر کا بہترین اداکار قرار دیا ہے۔

—–Shared for Information Purpose Only—-Like and Subscribe my Youtube ChannelWatch it on Youtube